Content

Happiness!!


“Happines is a journey…not the destination. Ben Sweetland”


Best Hindi Jokes


laughing-jokes

Ek murgi market gayi, aur dukaandar se boli, “ek anda dena.”
Dukaandar bola, “sharm nahin aati, murgi hokar anda mangti ho.”
Murgi boli, “mere pati ne kaha hai ki 3 rupyee ke ande ke liye
apna figure kharab mat karo.”

Khud ko kar kanjoos itna ki..
har sms bhejne se pehle,
SERVICE CENTER wale khud call kar k puche..
Bata sach me bhejna he ya galti se sent ho gaya tha.

MAA-Beta Apple Khaoge,
BETA-Nahi
MAA-Beta Mengo Khaoge,
BETA-Nahi
MAA-Beta Orange Khaoge,
BETA-Nahi
MAA-Bilkul Baap Par Gaya Hai,
Chappal Hi Khayega.

Ek aadmi bhagwaan se bola, “india se usa tak pakki sadak banwa dijiye.”
Bhagwan bole, “mushkil hai kuch aur maang lo.” Aadmi bola,
“To phir aap meri biwi ko samajhdaar aur aagyakari bana dijiye.”
Bhagwan bole, “sadak single banana hai ya double.”

Ek naye teacher ne ek bachche se poocha, “is pakshi ke pair dekho aur iska naam batao.
” Bachche ne kaha, “ pata nahin.” Teacher ne kaha, “ Tum fail ho gaye,batao tumhara naam batao.
” Bachche ne kaha “Mere pair dekho aur naam batao”.

ek baar aadmi ne bhagwan se kaha,
“aapne aurat ko itna sundar kyon banaya hai?”
Bhagwan bole,”taki tum unse pyaar kar sako.”
Aadmi bola, “ to phir unhe itna bevkoof kyon banaya hai?”
bhagwan ne jawab diya, “taki wo tumse pyaar kar sake.”

ek aadmi ke paas uske doctor ka phone aaya.
Docor ne kaha, “Mere pass tumhe sunane ke liye ek achchi khabar hai,
aur ek buri khabar hai.pahle kya sunoge?”
aadmi bola, “pahle mujhe achchi khabar suna do.”
Doctor bola, “good news hai ki tumhe marne me 24 ghante baaki hain.”
Aadmi bola, “oh no, aur buri khabar kya hai?”
Doctor bola,”buri khabar ye hai ki ye khabar sunanae ke liye
main tumhe kal phone karna bhool gaya.”

Chota baby- mummy raat ko jab me susu karne gaya to bathroom
Ki light jal gayi,
Mummy- haramjade tu aaj fir freeze me susu kar aaya…!!

Teacher:-MotorCycle k Kitne Tyers Hote hai?
Smart Santa:- 6 Tyre
Teacher(Gusse se): How?
Santa:- 4 Motor k 2 Cycle k!G.M.

College ke first day; Ladka: Tumhara naam kya hai? Ladki: Mujhe sab didi kehte hai.. Ladka: WOW MUJHE SAB JIJAJI KEHTE HAIN!

Teacher- Bataao bachcho jo galat kaam karte hain wo kaha jate hain??
Student- sharmate huye bola sir..
Manuabhaan tekri, EKAANT park, Chinar park, MAYUR park…

Mareez:-doctor aap ye phoolo ki mala kyon laaye hain?
Doctor:-ye mera pahla operation hai,agar safal hua to mere liye nahin to tuhare kaam aaegi.

Maalik:-are raamu aaj tumne roti main kitna saare ghee laga diya..
Naukar:-are saahab maaf karna shayad galti se maine apni roti aapko de di hai,

Saahukaar:-tumne apne udhaar ke paise abhi tak nahin wapas kiye…
chalo mamla beech main suljha lete hai…
tumhare udhaar ka aadha paisa main bhoolne ke liye taiyaar hoon..
Karzdaar:-manzoor:-baaki aadha main bhoolne ko taiyaar hoon.

Ek ladka ek ladki ke saath baitha tha,
doosre din doosri ladki ke saath baitha tha,
teesre din teesri ladki ke saath baitha tha…
is kahani se shiksha milti hai:-ladkiyan badal jaati hain,ladke nahin.

Ek aadmi librarian se:-mujhe aatmhatya karni hai.kya aap mujhe aatmhatya per koi achchi book de sakte hain.
Librarian:-nahin bilkul nahin,mujhe pata hai aap mujhe wo wapas nahin denge.

Teacher:-bachcho kabhi sharab mat peena,jhooth mat bolna,kabhi nonveg mat khana,kabhi ladki ko mat chhedna.aur apne desh ke liye jaan de dena.
Ek bachcha:-de denge sir,sala aisi zindagi se to marna achcha hai.

Ek jagah sangeet ki mahfil chal rahi thi.ek gayak ne jaise hi gana gaya ,
sab bole , “once more”.gayak ne gana phir suna diya. Sab log phir se bole ,
“once more”.gayak nephir se ganae suna diya.abki baar phir sab bole ,
“once more”.gayak ne kaha,”mere pyare sunne walo,
main aapka mere liye pyaar samajhta hu,
per meri bhi kuch maryada hai,main itni baar nahin ga sakta.”
Tabhi mahfil main se ek aadmi bola,”jab tak tum thik se nahin gaaoge,
tumko gana padega.”
Comedy Jokes in Hindi
teacher:-bahcho aaykar,bikrikar,bhoomikar se milta jolta koi aur shabd batao.
bachcha:-sir ek nahin teen shabd sune hain,sunil gawaskar,sachin tendulkar aur dilip vangaskar.

ek chhota bachcha doosre bachche se:-agar din ko suraj nahin nikala to kya hoga?
doosra bachcha:-bijli ka bill bad jaaega.

manager ne aanewale se poocha, “kya tumhe pata nahin ki aagya ke bina andar aana mana hai.”
aane wala, “janab, main aagya lene ke liye hi andar aaya hoon.”

adhyaapak:-bachcho batao ki doodh ko kharab hone se bachane ke liye kya karne chaahiye?
sonu:-ji sir use pi lena chahiye.

Ek aadmi:-kyon bachche yeh gend tumhari hai?
Bachcha:- uncle kya isse koi sheesha toota hai?
Aadmi:-nahin to..
bachcha:- haan to phir meri hai.

Naukraani:-malkin aap mujh per bekaar hi shak kar rahi hai,main aapko kaise samjhaau mujhe to shabd nahin mil rahe hai.
Malkin:- tujhe shabd nahin mil rahe hain,aur mujhe 1 thaali,5 katori aur 2 drzan chammach nahin mil rahi hai.

Ek padosan Ne Sunita Se Kaha:- are sunita gajab Ho Gaya.dekh to Pados Ki do Auraten teri Saas ki pitaai kar Rahi Hain.
Sunita padosan Ke Sath chat per Aayi Aur chhupkar pitaai Dekhane Lagi. padosan Ne Pucha, Aap Madad Karane Nahi Jayengi ?
Sunita – Nahi nahin do Hi bahot Hain
Hilarious
Teacher:-batao baad aur sukhe main kya fark hai?
Mantra ka beta:- sir zamin aasmaan ka.
Teacher:-batao who kaise?
Mantra ka beta:- sir, sukhe main mere papa jeep se daura karte hain aur baad main helicopter main.

Ek aalsi se uske dost ne kaha:-suna hai tum faoj main bharti hone ja rahe ho.
Aalsi Dost:-are nahin,mujhe to ye bhi nahin pata ki badook ka muh kidhar karna hai?
Pehla dost:-koi baat nahin, kahin bhi rakhoge, desh ka bhala hi hoga.

Do abhinetao ke bachche aapas main baat kar rahe the.
Pahle bachcha:-pata hai,mere papa kal nai mummy laye hain ,wo bahot achchi hai.
Doosra bachcha:- pata hai pata hai, pichle saal who meri mummy reh chuki hain.

Pahli ladki:- maine faisla kiya hai jab tak main 25 saal ki nahin ho jaati main shaadi nahin karungi.
Doosri ladki:-aur maine faisla kiya hai jab tak main shaadi nahin kar leti 25 ki nahin houngi.

Traffic police:tumhara scooter itna uchhal kyon raha hai?
Scooter chaalak:-huzur, scooter nahin uchhal raha hai. Mujhe hichkiyaan aa rahi hain.

Judge:-pichi baar bhi tum 500 rupyee churaane ke ilzaam main pakde gaye the.
Chor:-huzur,500 rupyee s kitne din kaam chalaya ja sakta hai?

Student:-sir, kya aap mujhe us kaam ke liye bhi saza denge jo main nahin kiya hai?
Adhyapak:-nahin nahin,bilkul nahin.
Student:-sir, maine aaj ka homework nahin kiya hai.

Mareez:-doctor ,mujhe ek serious bimari hai,main jo kuch bhi bolta hoon bhool jata hoon.
Doctor:-aapko ye bimaari kab se hai?
Mareez:-kaun si bimaari?

Ek aurat:-jab tumhara talak hua tha tab to tumhara ek hi bachcha tha.ab 3 kaise?
Doosri:-who kabhi kabhi maafi mangne aa jate the.

Funny Comedy Jokes in Hindi
Wo konsa 1 mazak he Jo salo pehle b studnts karte the,
aaj b karte hai or qayamat tak karte rahenge
?
?
Bahut masti ho gayi yar
ab Kal Se Seriously Padai karnge

Ek Murgi Market Gayi aur..
Kaha- Ek Anda Dena..
Dukandar-Tum Anday Ka Kya Karogi??
Murgi- Mere Husband Ne Kaha 2Rs. Ke Liye Apna Figure Kharab Mat Karo.

Teacher-tum bde hoker kya karoge
Student-shadi..
Teacher-nahi, mera matlab hai kya banoge
Student-dulha..
Teacher-oho,i mean bade hoker kya hasil karoge
student-dulhan!

1 dukhi Aadmi bola-Aisi zindagi se maut achi.
Achnak Yamdut aaya aur bola-“Tumhari jaan lene ka hukm h”
Aadmi-Lo Batao,
Ab Insan Mazak b nahi kar sakta.

PITA:AGAR TU IS BAAR BHI FAIL HO GAYA TO MUJHE PITA MAT KEHNA.
KUCH DIN BAD
PITA:KYA HUA TERE RESULT KA?
SON:SORRY YAAR RAM PRASAD MAI FAIL HO GAYA.
Hindi Funny Comedy Jokes
Bahut der k baad train chali.Muslim bola_ya Ali ! Hindu bola_ jai bajrang bali.Ek sardar bola_kya Ali,Kya Bali?Ullu k pattho, Train to baju wali Chali

1 shrabi roz SHIV mandir pe sir tekta tha.
1 din pujaari ne SHIV ke jagah GANESH murti rakhi,
Shraabi aya dekha bola- Chhotu papa se bolna main aya tha.

Premika: Aisa Letter Likh Sajna, Meri Umar Beet Jaye Padhne Me….
Premi:(!=!0!>XE~?1!!:E’&A?>#^^E”!$>,’>,’E=*?#:P(+>!*”@&= Le Padhle…..!

A B C D E F G H I J K L M N O P Q R S T U V W X Y Z
isme 1 missing hai
find it…
2 times padhte ho
sharam nahi aati ?
ABCD me 1 kaha aata hai?
Hindi Comedy Jokes
Old : pehla pehla pyar hai, aayi bahar hai, aaja more sajan tera
Intazar hai.
New : Duja teja pyar hai, dil bekarar hai, aaja mere sajana verna
Chautha taiyaar hai…!

Boy- Bus,train or ladki ek jesi hoti hai,ek jati hai to dusri aa jati hai
Girl- Taxi, Autoriksha or ladke ek jaise hote hai, ek bulao 4 chale
Aate hai..!

Ladka ladki ko dekhne gaya,
unko baat krne k liye akele bitha diya
girl-(darte hue)bhaiya aap kitne bhai-behen ho
Boy-abhi tk to 3 the,ab 4 ho gye.

Hindi Comedy Jokes
Ladka : jaaneman is dil me chali aao
Ladki : chapal nikali kya?
Ladka : pagli, ye koi mandir nahi hai, aise hi aa jao.

Chayewala – bholi si surat aankho me masti dur khadi sarmaye haye haye!!
Ladki- kali si surat hatho me ketli dur khade chilaye chaye-chaye

Babu apni girlfriend se- darling kal ghar par aa jana koi bhi nahi hoga!
Jab ladki ghar par aati hai to sachmuch koi nahi tha.

Ladka- kya me tumhara hath tham lu?
Ladki – No thanks ! ye itna bhari nahi he!!

Kutte………kaminey………..matlabi………….dhokebaaz……….
Ullu ke pathe………besharam……..baimaan……….kapti………
Aise logo se hamesha door rehna !!

Bilu MC ki hotal me- are bhai kab se wait kar raha hu,
Khana abhi tak nahi aaya?
Mc – sar khana to char din se bana rakha hai bas garam ho raha hai!!

Pitaji:- itne kam no. ? do thapad marne chahiye!
Tinku:- ha papa,chalo maine us mastarji ka ghar dekha hai!!


Teacher – bolo A for Apple ,
Student – A for apple,
Teacher – jor se bolo,
Student – jai mata dee!!

Ha ha ha ha ha ha ha ha ha ha ha ha
Ho ho ho ho ho ho ho ho ho ho ho
He he he he he he he he he he he ……
Kuch nahi bas tumhari sakal yaad aa gayi….
Ha ha ha ha ha!!

Bhagwan ko gussa kab aata hai?
A. jab koi ladki shaadi se pehle pregnant ho jaye, aur uski maa
Kahe “hey bhagwan ye tune kya kiya”.

Maine tujhe dekha…dekhta hi gaya…dekhta hi gaya…..
Aur fir…ek din mujhe…
….Chashma…lag gaya!!

Baith kar apni mehbuba ki zulfo k saye me aisa josh aaya,
wah wah!
Phir..
phir..
Usk Papa ne dekh liya aur I.C.U. me hosh aaya.

Love Aur Arrange Marriage Me Kya Faraq He
Love Marriage Me Aap Apni Girlfriend Se Shadi Karte Hai
Aur
Arrange Marriage Me
Kisi Aur Ki 😉

Raja or Rani ne fix kiya ki ab baat Mobile se nhi Kabutar se karenge.1 din Rani ne bina khat k kabutar uda diya.Raja bola:
Ye kya?
Rani boli miss call yaar.


Loveful Hindi Shayari


loveful-shayari

Jahan yaad na aaye teri,
Woh tanhaai kis kaam ki.
Bigde rishte na bane,
To khudaai kis kaam ki.
Beshak apni manzil tak jana hai hamein,
Lekin jahaan se apne na dikhein,
Woh oonchaai kis kaam ki!

Ek pahchan hajaro Dost bana deti hain,
Ek muskaan hajaro gum bhula deti hain
Zindagi ke safar me sambhal kar chalna
Ek galti hajaro sapne jala kr raakh deti hai

Ek Dua Khuda Se
Zindagi Ki Uljhanein

Zindagi ki uljhanon ne hamaari sharaaratein kam di,
Aur log samajhne lage ki hum samajhdaar ho gaye.

Keemat

Ek talwar ki keemat hoti hai uski dhaar se,
Insaan ki keemat hoti hai uske vyavhaar se.

Talaash na kar

Choo le aasmaan zameen ki talaash na kar,
Jee le zindagi khushi ki talaash na kar,
Takdeer badal jaayegi khud hi mere dost,
Muskurana seekh le wajah ki talaash na kar.

Thikana kabra hai to

Thikana kabra hai to
Ibaadat kar musafir
Kehte hain khaali haath
Kisi ke ghar jaaya nahi karte

Ye arzoo nahi ki

Ye arzoo nahi ki kisi ko bhulayein hum.
Na tammana hai kisi ko rulayein hum.
Par dua hai us rab se ek hi,
Jisko jitana yaad karte hain usko utana yaad aayein hum.

Khwahish aisi karo ki

Khwahish aisi karo ki aasman tak ja sako,
Dua aisi karo ki khuda ko pa sako,
Yun to jeene ke liye pal bahut kam hain,
Jiyo aise ki har pal mein zindagi pa sako..!

Zindagi haseen hai

Zindagi haseen hai zindagi se pyar karo,
Ho raat to subah ka intzar karo,
Wo pal bhi aayega jis pal ka intzar hai apko,
Bas rab pe bharosa aur waqt pe aitbar karo.

Mushkilon mein bhag jana

Mushkilon mein bhag jana asaan hota hai,
Har pehlu zindagi ka imtihan hota hai,
Darne walon ko kuchh milta nahi zindagi mein,
Aur ladne walon ke kadmon mein jahan hota hai.

Uthati lehron ko

Uthati lehron ko saahil ki darkaar nahin hoti,
Hauslon ke aage koi deewar nahi hoti,
Jalte hue ik chiraag ne aandhiyon se kaha,
Himmat hai to bujha ke dikha, jalne ke liye mujhe kono ki darkaar nahi hoti.

Soch ko badlo

Soch ko badlo, sitare badal jayenge,
Nazar ko badlo, nazare badal jayenge,
Kashtiyan badalne ki zarurat nahi,
Dishaon ko badlo, kinare badal jayenge.

Manzil unhi ko milti hai

Manzil unhi ko milti hai, Jinke sapno mein jaan hoti hai,
Pankh se kuchh nahi hota, Hauslon se udan hoti hai.

Lehron ko shaant dekh kar

Lehron ko shaant dekh kar yeh mat samjhna
Ki samandar mein ravani nahi hai,
Jab bi uthenge toofan ban kar uthenge,
Abhi uthne ki thani nahi hai.

Aankhon mein khushi

Aankhon mein khushi, labon par hansi, Gham ka koi naam na ho,
Aapko jahan ki saari khushiyan mile, in khushiyon ki kabhi sham na ho!!!

Rishta banana aur nibhana

Rishta banana itna aasan hai
Jaise MITTI pe MITTI se MITTI likhna
Aur rishta nibhana itna mushkil hai
Jaise PANI pe PANI se PANI likhna..

Yaad Rakhna

Yaadon mein hum rahein ye ehsas rakhna,
Nazron se door sahi dil ke paas rakhna,
Ye nahi kehte ke sath raho,
Door sahi par yaad rakhna.

Fitrat Hai Hamari

Har ek se achchi baat karna fitrat hai hamari,
Har ek khush rahe ye hasrat hai hamari,
Koi hum ko yaad kare ya na kare,
Har ek ko yaad karna aadat hai hamari.

Sehmi si nigahon mein

Sehmi si nigahon mein khwab hum jaga denge,
Sooni in raho pe phool hum khila denge,
Hamare sang muskura ke to dekhiye,
Hum aapke har gham bhula denge.

Surat se pehle

Phool se pehle khusboo ko to dekho,
Karne se pehle kaam ko to dekho,
Kisi ke roop mein diwana na bano,
Surat se pehle uske dil ko to dekho.

Gham mein hasne walon ko

Gham mein hasne walon ko kabhi rulaya nahi jata,
Lehron se pani ko hataya nahi jata,
Hone wale ho jate hain khudhi dil se apne,
Kisi ko kehkar apna banaya nahi jata.

Gum-e-Zindagi

Gum-e-Zindagi ke sitamvaar bahut hain…
Ranj-o-Mayusi ke deedar bahut hain…
Himmat-e-Insaan ke aage kya nahi mumkin…
Mana ke Sikast-o-Haar ke aasaar bahut hain..!!

Yaad aaye jo tum

Yaad aaye jo tum humko abhi…
Dil mein hui hulchul tabhi…
Lafzon ko tham liya zubaan ne haye…
Kehna hai kuchh tumse….par fir kabhi..!!

Nahi Milta

Har raahi ko mann chaha mukaam nahi milta,
Jisko jee bhar pyar kar sake wo insaan nahi milta,
Aasma ke sitaron ki tarah hamare armaan bhi bikharte rehte hain,
Jo apne dil mein hamein jagah de sake wo meharbaan nahi milta.


Duniya ka har shauk

Duniya ka har shauk pala nahi jata,
Kaanch ke khilono ko uchhala nahi jata,
Mehnat karne se mushkilein ho jati hai aasan,
Kyon ki har kaam taqdeeron par tala nahi jata.

Tajmahal Banva Diya

Bhagwan ne insan ko kya se kya bana diya,
Kisi ko kavi to kisi ko katil bana diya,
Do phoolon ka wajan na utha sakti thi Mumtaz,
Sahjahan ne uske liye tajmahal bana diya.

Kuchh sitaron ki chamak

Kuchh sitaron ki chamak nahi jaati,
Kuchh yadon ki khanak nahi jaati,
Kuchh logon se hota hai aisa rishta,
Ke door reh ke bhi un ki mehak nahi jaati.

Khairaat mein mili khushi

Khairaat mein mili hui khushi mujhe achchi nahi lagti…..
Main apne dukhon mein bhi rahta hoon nawabon ki taraha.

Fitrat aur haalat

Fitrat aur haalat mein tasadum hai warna …
Insan kabhi dil ka bura nahi hota…………….!!!!!!!!!!!!!

Yeh silsila-e-ishq

Kis kadar anjaan hai yeh silsila-e-ishq bhi,
Muhabbat to kayam rehti hai magar “Insan” toot jate hain!

Hamne mehboob jo badla

Hamne mehboob jo badla to taajjub kaisa,
Log kafir se musalman bhi to ho jate hain.

Yeh Sawal

Main uska hoon, ye raaz to woh jaan gaya hai!!
Woh kiska hai ye sawaal mujhe sone nahi deta.

Us Shakhs Se Talluk Hai

Us shakhs se faqat itna sa talluq hai,
Woh pareshan ho to hamein neend nahi aati…

Teri mehfil se nikle

Teri mehfil se nikle kisi ko khabar tak na hui,
Tera mud mud ke dekhna hamein badnam kar gaya…..

Tum takalluf ko bhi

Tum takalluf ko bhi akhlas samajte ho
Dost hota nahi har haath milane wala…

Lafz ko phool banana to

Lafz ko phool banana to karishma hai faraz…
Ho na ho koi to hai teri nigarish main shareek.

Apni nakami ka

Apni nakami ka ek sabab ye bhi hai,
Cheez jo mangte hain sb se juda mangte hain…

Wo khud ko phool

Wo khud ko phool aur hum ko patthar keh kar muskuraya karte hain,
Un ko kya khabar patthar to patthar rehtt hain phool hi murjhaya kartt hain.

Khawahishon ka kafila

Khawahishon ka kafila bhi ajeeb hi hai,
Aksar wahin se guzarta hai jahan rasta na ho.

Chehre ki hasi se

Chehre ki hasi se har gam chupao,
Bahut kuchh bolo par kuchh na batao.
Khud na rutho kabhi par sabko manao,
Ye raz hai zindagi ka, bas jeete chale jao.

Ek din sagar ne nadi se

Ek din sagar ne nadi se pucha,
Kab tak milti rahogi mujh khare jal se?
Nadi ne hans kar kaha,
Jab tak tujh me mithas na aa jaye tab tak.

Phool Bankar

Phool bankar muskurana zindagi,
Muskura ke gham bhulana zindagi,
Jeet kar koi khush ho to kya hua,
Haar kar khushiyan manana bhi zindagi.

Sabhi naghme

Sabhi naghme saaz mein gaye nahi jaate,
Sabhi log mehfil mein bulaaye nahi jaate,
Kuchh paas reh kar bhi yaad nahi aate,
Kuchh door reh kar bhi bhulaye nahi jaate.

Yadein hoti hain

Yadein hoti hain satane ke liye,
Koi roothta hai phir maan jane ke liye,
Rishte banana koi mushkil to nahi,
Jaan bhi chali hai nibhane ke liye.

Sabhi ko sab kuchh

Sabhi ko sab kuchh nahin milta,
Nadi ki har lehar ko sahil nahin milta,
Yeh dil walon ki dunia hai dost,
Kisi se dil nahin milta to koi dil se nahin milta.

Taqdeer ke khel

Taqdeer ke khel se kabhi mayoos nahi hote,
Zindagi mein aise kabhi udaas nahi hote,
Hathon ki lakeeron par vishwas mat karna,
Taqdeer to unki bhi hoti hai jinke hath nahi hote.

Aashiyane ki baat

Aashiyane ki baat karate ho,
Dil jalane ki baat karate ho,

Saari duniya ke ranj-o-gam de kar,
Muskurane ki baat karate ho.

Hum ko apni khabar nahin yaaron,
Tum zamane ki baat karate ho,

Zikrr mera suna to chidh ke kaha,
Kis diwane ki baat karate ho.

Hadasaa tha guzar gaya hoga,
Kis ke jaane ki baat karate ho.

Sham suraj ko

Sham suraj ko dhalna sikhati hai,
Shama parwane ko jalana sikhati hai,
Girne wale ko hoti to hai takleef,
Par thokar hi insaan ko chalna sikhati hai.

Zindagi mein kisi ko

Zindagi mein kisi ko is kadar mat pyar karo,
Ki zindagi bina unke aadhori lage,
Mohhabat is kadar karo ki,
Hamari mohhabat ke bine woh aadhoori lage.

Agar Manzil Pana Hai

Agar manzil pana hai to HAUSALA sath rakhna,
Agar pyar pana hai to AITBAR sath rakhna,
Aur agar chaho hamesha muskurana,
To sab bhoolkar bas HAMEIN yaad rakhana.

Ya khuda

Ya khuda meri duaon mein itna asar karde,
Khushiyan use, dard uska mujhe nazar kar de.
Dilon se dooriyon ka ehsaas mita de ya maula,
Nahin to uske aanchal ko mera kafan kar de.

Unki duaon ka hum par asar

Unki duaon ka hum par asar dekhiye,
Kahan reh gayi thi ye kasar dekhiye.
Hum to nazar aayenge har ishq mein,
Is jahan mein aap apni basar dekhiye.
Bhool baitha hai shayad woh is gaon ko,
Kya hona hai ab haal-e-sahar dekhiye.
Ek baar yun hi sahi rakhne ko dil mera,
Dar par mere zara kabhi thahar dekhiye.

Wo khafa bhi hota hai to

Wo khafa bhi hota hai to zahir nahi karta,
Kasoorwar hain hum ye bhala khabar kaise ho,
Jiske deed se dhadkano ko rahat hoti hai,
Aadin bina us chand ke zindagi ye basar kaise ho.

Kaise woh laut aaye

Kaise woh laut aaye ke fursat use nahin,
Duniya samajh rahi hai mohabbat use nahin.
Lagta hai aa chuki hai kami us ki chah mein,
Kafi dinon se mujh se shikayat use nahin.
Dil ki zameen us ki hai banjar isi liye,
Jazbon ki barishon ki jo aadat use nahin.

Phoolon ki yaad aati hai

Phoolon ki yaad aati hai kaanton ko chhune par,
Rishton ki samajh aati hai faaslon pe rehne par,
Kuchh jazbaat aise bhi hote hain jo ankhon mein padhe nahin jaate,
Woh to nazar aate hain zubaan se kehne par.

Naam ki kya baat karte ho

Naam ki kya baat karte ho,
Log chehre tak bhool jate hain.
Tum samander ki baat karte ho,
Log aankhon main doob jate hain.

Gile shikwe na dil se laga lena

Gile shikwe na dil se laga lena,
Kabhi maan jana to kabhi manaa lena,
Kal ka kya pata hum ho na ho,
Jab mauka mile thoda has lena aur hasaa dena.

Pattharon ko itna na pujo

Pattharon ko itna na pujo ke woh dewta ho jaye,
Kisi ko itna na chaho ke woh bewafa ho jaye.

Baadalon ke darmiyan

Baadalon ke darmiyan kuchh aisi saazish hui,
Mera ghar mitti ka tha mere hi ghar baarish hui,

Usko bhi zid hai bijliyan girane ki,
Aur hamein bhi zid hai wahin aashiyan banane ki.

Har ek rooh ki

Har ek rooh ki saanson pe wazan dekh raha hoon,
Main har ek sakhs ke haathon mein kafan dekh raha hoon.
Arre logon khuda hone ka dava na karo,
Main to insaan mein aadam ko bhi kam dekh raha hoon.
Yeh hawaon mein zahar aur yeh bimaar fiza,
Kal ko jo hona hai Anzaam-e-Chaman dekh raha hoon.
Yeh khuda ke liye Qatl-e-Khudai chhoro,
Nasl-e-Aadam mein tabahi ka chalan dekh raha hoon.
Roshni walon andheron mein bhi jeena seekho,
Mein aaftaab ke kadmon mein thakan dekh raha hoon.

Yaad aane wale

Yaad aane wale yaad aaye ja rahe hain
Meri khayalon ki duniya par chhaye ja rahe hain
Hum kuch kehna chah rahe hain un se ,
Par wo chup hain bas sms padh ke muskuraye ja rahe hain.

Abhi to baaz ki

Abhi to baaz ki asali udaan baaki hai,
Abhi to aapka imtihan baaki hai,
Abhi tak to aapne zamin dekhi hai,
Abhi to pura aasmaan baaki hai.

Ankhoo ki aawaz

Ankhoo ki aawaz kuch aur hoti hai,
Aansoo ki aag kuch aur hoti hai…
Kaun chahta hai bichhadna apnon se,
Par kismat ki baat kuch aur hoti hai …

Dil hona chahiye

Dil hona chahiye, Jigar hona chahiye,
Ashiqui ke liye hunar hona chaihye,
Nazar se nazar milne par ishq nahi hota,
Nazar ke us paar bhi ek asar hona chahiye.

Kabhi ki hogi

Kabhi ki hogi suraj ne chaand se mohabbat…
Tabhi to chand mein daag hai….
Mumkin hai ki chand se huii hogi bewafai…
Tabhi to suraj mein aag hai…

Na koi kisi se door hota hai

Na koi kisi se door hota hai,
Na koi kisi ke kareeb hota hai,
Pyar khud chal kar aata hai,
Jab koi kisi ka naseeb hota hai.

Unki jahan se nirali hai ada

Unki jahan se nirali hai ada,
Andaz unke hai yaaron sabse juda,
Khafa ho jayen to qaatil se kam nahi,
Meharbaan ho jayen to lagne lagte hain khuda.

Utray jo zindagi teri

Utray jo zindagi teri gehraiyon mein hum.
Mehfil mein reh ke bhi rahe tanhaaiyon mein hum.
Deewangi nahi to aur kya kahen?
Insaan dhundhte rahe parchhaiyon mein hum.

Kal fursat na mili to

Kal fursat na mili to kya hoga,
Itni mohlat na mili to kya hoga,
Roz kehte ho kal milenge, kal milenge,
Kal meri aakhen na khuli to kya hoga.

Sath chhutne se

Sath chhutne se rishte nahi tuta karte,
Waqt ki dhundh se lamhe nahi tuta karte,
Log kehte hain mera sapna tut gaya,
Tutati to nind hai sapne nahi tuta karte.

Khwaish aisi karo ki

Khwaish aisi karo ki aasman tak ja sako,
Dua aisi karo ki khuda ko bhi pa sako,
Yun to jeene ke liye pal bahut kam hain,
Par jiyo aise ki har pal mein zindgi pa sako..!

Kashti toofan se

Kashti toofan se nikal sakti hai,
Shama bujh ke bhi jal sakti hai,
Mayus na ho irade na badal aye dost,
Kismat kisi bhi waqt badal sakti hai.

Bina gum khushi ka

Bina gum khushi ka pata kaise chalega,
Bina roye hansi ka maza kaise milega,
Wo jo bhi karta hai wo hi janta hai…
Agar hum jaan gaye to use khuda kaun kahega.

Is kadar na har baat

Is kadar na har baat yaron se pucho,
Jo baat raaz ki ho isharon se puchho,
Leharo se khelna to samandar ka shauk hai,
Lagti hai chot kaisi kinaron se puchho.

Kashish honi chaiye

Kashish honi chaiye kisi ko yaad karne ki,
Lamhe to apne aap mil jayenge,
Waqt hone chahiye kisi ko milne ka,
Bahane to apne aap mil jayenge.

Nazren na hoti to

Nazren na hoti to nazaara na hota,
Duniya main hasino ka guzara na hota,
Hamse yeh mat kaho ke dil lagana chhod de,
Jaake khuda se kaho ke haseeno ko banaana chhod de.

Fanaa Kar Dena

Ikhtiyaar-e-Tarannum ke tabassum se roshni ko jala dena,
Mohabbat ho to nigahon se nahi hoton se bayan kar dena.
Khidmatein unki ek bar nahi sau bar kar dena,
Jab sab kuch kaam na kare aye dost,
To jaam peete hue mohabbat ko fanaa kar dena.

Geele kagaz ki tarah…

Geele kagaz ki tarah hai zindagi apni,
Koi jalata bhi nahi aur bahata bhi nahi.
Is kadar akele hain raahon me dil ki,
Koi satata bhi nahi aur koi manata bhi nahi.

Wo baat kya karu

Wo baat kya karu jiski khabar hi na ho,
Wo dua kya karu jisme asar hi na ho.
Kaise keh du aap ko lag jaaye meri umar,
Kya pata agle pal meri umar hi na ho.

Mohabbat Me

Mohabbat me hum mashoor kya huwe,
Har harkat humari deewangi lagne lagi.
Lafz jo nikle haal-e-dil ka bayan karne,
Zamane ko har wo baat shahyari lagne lagi.

Dil ka dard

Dil ka dard kisiko bataya na karo,
Aankhon me chuppe aansu bahaya na karo.
Log mutthi me namak liye ghumte hain,
Apne zakhm kisiko dikhaya na karo.

Fir na simtegi

Fir na simtegi agar dosti bikhar jayegi,
Zindagi zulf nahi jo fir se sawar jayegi.
Jo khushi de tumhe thaam lo daaman uska,
Zindagi roke nahi has ke gujar jayegi.

Kabhi tum bhi

Kabhi tum bhi humse baat kar liya karo,
Milne milaane ki faryaad kar liya karo.
Ek hum hai jo har baar shurwaat karte hai,
Kabhi tum bhi humein humse pehle yaad kar liya karo.

Jaane kya

Jaane kya mujhse zamaana chahta hai,
Mera dil todkar mujhe hasana chahta hai.
Jaane kya baat chalakti hai mere chehre se,
Har shaks mujhe aazmaana chahta hai.

Kagaz ki kashti

Kagaz ki kashti thi aur pani ka kinara tha,
Khelne ki masti thi aur dil awara tha,
Kahan aa gaye jawani ke daldal main,
Kya kahen bachpan hi kitna pyara tha,
Utra tha chaand mere aangan main,
Yeh sitaroan ko gawara na tha,
Main to sitaroan se bagawat kar leta,
Par chand bhi kaha hamara tha.

Dhoondta tha ke

Dhoondta tha ke kaun mera saath nibhayega saaye ki tarah,
Sochta hu ke kaun mere jazbaton ko samjhega yaha,
Par jab khayal aaya unka jinhone hame kabhi akela nahi chchoda,
To laga in tanhayion se aachcha saathi mujhe milega kaha!!!

Phooloan se kya dosti karte ho

Phooloan se kya dosti karte ho,
Phool to murjha jaate hain.
Aggar dosti karni hai to kaanton se karo,
Kyun ki woh chubh kar bhi yaad aatein hain.

Yeh bhi ek dua hai khuda se,
Kisi ka dil na dukhe hamari wajah se,
Aye khuda kar de kuchh aisi inaayat hum pe,
Ki khushiyaan hi milein sabko hamaari wajah se.

Utha Hua Har Hath

Utha hua har hath dua ke liye nahi hota,
Jhuka hua har parda hawa ke liye nahi hota,
Apni galtiyon se bhi chirag bhuj jate hai aksarYeh sheeshe

Yeh sheeshe yeh sapne yeh dhage,
Kise kya khabar hai kahan toot jaye.
Mohhabat ke dariya main tinke waffa ke,
Na jane yeh kiss mod par doob jaye.

Murradon ki manzil

Murradon ki manzil ke sapno main khoye,
Mohabbat ki raho pe hum chal pade they.
Zara dur chal ke jab aankh khuli to,
Kadi dhoop mein hum akele khade they.

Jab bhi dill mein koi

Jab bhi dill mein koi vichar aata hai ,
Mera dill khamosh hokar rah jata hai.
Koi sab kuch keh kar pyar jatata hai,
Aur koi kuch na keh kar bhi sabh kuch keh jata hai.

Shikayat hai unhe

Shikayat hai unhe ke hame mohabbat karna nahi aata,
Shikwa to iss dil ko bhi hai par ise shikayat karna nahi aata .
Kasoor hawa ka har baar nahi hota…

Dukaan Ki Tarah

Ab ho gaya hai aadmi ,
Bikta hai jahaan pyaar bhi saamaan ki tarah,
Pehchaan bhi hai mushkil mukhauton ke daur mein
Dikhta hai bhediya bhi insaan ki tarah!!